Gagnrýni eftir:
Behind Enemy Lines0 af 0 fannst gagnrýnin hjálpleg
Myndin fær hálfa stjörnu fyrir að hafa krækt í Gene Hackman. Myndir eins og þessa ætti aldrei að flytja út fyrir Bandaríska löghelgi. Með bíómiðanum/vídeóspólunni ætti að fylgja mynd af George Bush að kyssa smábarn og textinn af Bandaríska þjóðsöngnum. Myndin er vella út í gegn; Bandarísk þjóðernissápuópera sem yfirfærir Amerískt sýrópssiðgæði yfir á stríðsaðstæður. Söguþráðurinn er fáránlegur þar sem Bandarísku hetjurnar berjast við Evrópsku skrifblokkina við að ná sínum boy burtu frá miskunnarlausum og spilltum hernum í fyrrverandi Júgóslavíu. Þetta er hin þekkta mýta: góðu gaurarnir á móti þeim vondu. Ekkert liggur þar á milli og að sjálfsögðu eru Bandaríkjamenn hvítir englar en restin er svartari en samviska Jiang Zemin, forseta Kína. Ég mæli engan veginn með þessari!
Star Wars: Attack of the Clones0 af 0 fannst gagnrýnin hjálpleg
Það er stórmerkilegt að umfjallanir um Episode 2 hefjast yfirleitt á því að berja niður Episode 1 sem barnalega þvælu. Það skal ekki gert hér! Mér finnst Episode 2 stórkostleg mynd og hafa allt það til að bera sem góð ævintýramynd á að hafa: Frumlega umgjörð, hvert hasaratriðið á fætur öðru, góðar tæknibrellur og litla sem enga væmni! George Lucas hefur aldrei selt Star Wars myndirnar sem neitt annað en ævintýri út í gegn og því ekki við öðru að búast en að það verði útkoman. Ef fólk vill myndir með samtöl í fyrsta sæti getur það drifið sig að sjá myndir Woody Allen.
Boys Don't Cry0 af 0 fannst gagnrýnin hjálpleg
Þetta er hreinlega með betri myndum sem ég hef séð. Fyrri hluta myndarinnar var ég svolítið ringluð og áttaði mig ekki aleg á persónunum en í seinni hlutanum small þetta allt saman. Einn helsti kostur myndarinnar finnst mér þó vera sá að hún situr svo eftir í manni. Maður fer ekkert heim úr bíó og sofnar alveg strax eftir þessa mynd. Swank er stórkostleg svo og aðrir leikarar myndarinnar.