Why Did I Get Married Too? (2010)

Í þessari mynd fara pörin fjögur, Terry (Tyler Perry) og Dianne (Sharon Leal), Angela (Tasha Smith) og Marcus (Michael Jai White), Sheila (Jill Scott) og Troy (Lamman Rucker) og Patricia (Janet Jackson) og Gavin (Malik Yoba) saman í sumarfrí til sannkallaðrar paradísar í Karíbahafinu, til að njóta lífsins og endurnýja kynnin. Allir eru mjög opinskáir um sambönd sín, bæði það góða og slæma, sem virðist hjálpa öllum að halda í hamingjuna, en þegar fyrrum eiginmaður Sheilu, Mike (Richard T. Jones), mætir öllum að óvörum á svæðið er friðurinn úti. Rifrildi milli Sheilu og Mike setur af stað atburðarás sem mun reyna mjög á öll samböndin í hópnum og fær flesta til að spyrja sig eftirfarandi spurningar á ný: Af hverju gifti ég mig eiginlega?