Snabba Cash II (2012)

Johann „JW“ Westlund er í fangelsi og hefur verið þar síðastliðin þrjú ár, eða allt frá því að ásókn hans í völd og peninga í undirheimum eiturlyfjaviðskipta fóru í vaskinn með hörmulegum afleiðingum. En Johann hefur hagað sér vel í fangelsinu og það er kominn tími til að láta hann lausan á skilorði, enda fylgir því sú kvöð að hann blandi sér ekki í neitt misjafnt og haldi sig réttum megin við laganna strik. Allslaus og nánast vinalaus heldur Johann því á ný út á meðal frjálsra manna með tækifæri upp á vasann til að reisa við orðspor sitt og líf. Hann kemst hins vegar fljótt að því að hinn þröngi vegur dyggðarinnar er ekkert síður erfiður yfirferðar en sá breiði ...