Le roi et l’oiseau (1980)

Teiknimyndin Konungurinn og hermikrákan eftir Paul Grimault var gerð árið 1980 og þykir sannkallað meistaraverk. Sagan í henni, sem að hluta til er byggð á einu af ævintýrum H. C. Andersen, Smalastúlkan og sótarinn, segir frá hrokafullum konungi sem tekið hefur sér einræðisvald og sú eina sem stendur uppi í hárinu á honum er kráka sem lætur hann óspart heyra það! Myndin hefur nýlega verið endurunnin.