Family Guy: It's a Trap (2010)

Hér er þriðja og síðasta myndin í kvikmyndaröð Family Guy þar sem hver hinna upprunalegu Star Wars-mynda er tekin fyrir og persónum Family Guy skellt í hlutverk Stjörnustríðspersónanna. Nú er komið að því að snúa upp á lokakaflann, Return of the Jedi. Hefst myndin á því að Darth Vader (Stewie) mætir á Dauðastjörnuna, sem enn er verið að endurbyggja eftir árás uppreisnarmanna. Á sama tíma eru R2-D2 (Cleveland) og C-3PO (Quagmire) í heimsókn í höll Jabba the Hutt (Joe Swanson) til að reyna að bjarga Han Solo (Peter Griffin), sem var handsamaður og frosinn í myndinni á undan. Eftir flókinn og erfiðan flótta þeirra, Leiu prinsessu (Lois), Chewbacca (Brian) og Luke (Chris) er svo eftir að ráða niðurlögum heimsveldisins illa og leiðtoga þess, Darth Vader. Að sjálfsögðu gerist það allt að hætti Family Guy.