The New Daughter (2009)

The New Daughter segir frá rithöfundinum John James, sem hefur átt betri tíma í lífinu. Konan er nýfarin frá honum og hann neyðist til að flytja með tvö börn sín til afskekkts sveitahúss í Suður-Karólínu. Á landareigninni er að finna indjánagrafreit sem vekur áhuga dótturinnar Louisu, en hún er að komast á kynþroskaskeiðið. Stuttu eftir að þau flytja inn fer hegðun Louisu að breytast, auk þess sem húsið fer að gefa frá sér undarleg hljóð og kötturinn hverfur sporlaust. Hún eyðir sífellt meiri tíma hjá grafreitnum og á meðan verður sonurinn Sam stöðugt skelkaðri. John kemst auk þess að því að húsið á sér afar skuggalega sögu en verður að finna svör við hinum undarlegu atburðum áður en Louisa verður of hættuleg, bæði sjálfri sér og öðrum.