The Wizard of Oz 1939
(Galdrakarlinn í Oz)
Justwatch
Mighty Miracle Show Of 1000 Delights !
101 MÍNEnska
Dóróthea er dag einn hrifin burt af kraftmiklum töfrastrók sem skilar henni og hundinum hennar, honum Toto, inn í ævintýralandið Oz. Þar hitti hún fyrir ljónið, fuglahræðuna, tinkarlinn, töfradísir og auðvitað sjálfan galdrakarlinn í Oz í leit sinni að leiðinni heim.
Aðalleikarar
Leikstjórn
Handrit
Hver man ekki eftir ævintýri Dorothy, Scarecrow, Tin Man og Hrædda ljóninu í leit þeirra að galdrakarlinum í Oz? Þessi mynd frá 1939 er ein skemmtilegasta söngvamynd sem hefur verið gerð og er fyrir langa löngu orðin klassamynd. Judy Garland er brilliant í hlutverki Dorothy og er mjög sannfærandi í hlutverki sínu sem saklausa Kansas stúlkan. Útlit myndarinnar er mjög fallegt, svo er hún einnig mjög góð skemmtun. The Wizard of Oz er stórkostleg ævintýramynd eins og þær gerast bestar og mæli með öllum að sjá hana.
Þessi gullaldarklassík Victor Fleming verður sextug á næsta ári. Og í sannleika sagt er þessi mynd alltaf góð og stendur fyrir sínu. Ævintýrið af stelpunni Dóreteu verður aldrei leiðinlegt og munu kynslóðir horfa á hana næstu áratugina. Handritið er virkilega gott og leikurinn líka, tónlistin er náttúrulega alveg ógleymanleg og síðast en ekki síst er hún bara svo skemmtileg að það er ekki hægt annað en að horfa bara á og njóta myndarinnar. Í þessari mynd kemur í rauninni fram barnið í manni. Ég mæli eindregið með því að þeir sem ekki hafa séð þessa einstöku klassík að leigja hana út á næstu leigu og njóta hennar, hún er svo sannarlega vel þess virði. Því gef ég Galdrakarlinum í Oz, hiklaust fjórar stjörnur eða fullt hús. Svona klassík er ekki framleidd nú til dags.
Um myndina
Leikstjórn
Handrit
Framleiðandi
Warner Bros. Pictures
Kostaði
$2.777.000
Tekjur
$33.754.967
Vefsíða:
Aldur USA:
G
Útgefin:
17. nóvember 2011