Úr öskunni í eldinn (2000)

Hjartahreinn hreinsitæknir (götusópari) hjá Reykjavíkurborg finnur meðvitundarlausa stúlku í ruslahrúgu á bakvið skemmtistað í miðborginni og fer með hana heim og hlúir að henni. Hún reynist flækt í glæpamál og hinn geðprúði sópari reynist betri en enginn við að hjálpa henni að losna úr klóm útfararsveinsins og glæpahundsins Barkar yngri Barkarsonar. Glæpastarfsemi hans og föður hans felst í þeirri iðju að selja sömu líkkistuna aftur og aftur og stúlkan hefur undir höndum myndir af athæfi þeirra. Sóparinn aftur á móti býr með drykkfelldri móður sinni og dýrkar Hauk Morthens með slíkum tilþrifum að Haukur er honum sannkallaður Haukur í horni þegar mest á ríður.