Wrong Turn (2003)

Spennandi mynd! Virkilega spennandi út í gegn. Fullt fult fullt af spennuatriðum, sem fá þig tilæ að kippast til í sætinu. Annars voru stökkbreyttukarlarnir fáránlegir og lélegur leikur út í gegnum myndina. Special Effects eru mjög góðar, og gera myndina frekar blóðuga og goruga á köflum. Fínasta skemmtun ef maður hefur hljóðið nógu hátt.

Jahá, þetta var nú meiri bíóferðin, ég fór á þessa mynd á einhverju sérstöku tilboði hjá Kringlubíó fyrir aðeins 300 kr. og þótti þessum pening nú bara helvíti vel eytt þegar ég kom út af myndinni, ég hafði vægast sagt hræææðinlegar eftirvæntingar þegar ég fór á hana og örugglega flestir hinir sem voru í salnum. Það sem var skemmtilegt við þessa hryllingsmynd var að hún var ekkert smá fyndin ( er ekki viss um að hún hafi átt að vera það enn hún er það sko ), það voru allir skellihlæjandi í salnum þegar það var verið að rista upp lík og slíkt. Ég skemmti mér mikið betur á þessari mynd enn bíóskömminni og dramadelluni Tears of the sun. Það var skemmtileg stemmning í bíógestum á þessari mynd og allaveganna flestir skemmtu sér vel. Ég myndi nú samt ekki kalla þetta góða mynd enn allt í lagi að horfa á þetta til að hlæja að.

Það var mánudagskvöld og frídagur verslunarmanna í þokkabót. Ég hafði ekki mikið að gera og ákvað því að skella mér í bíó. Ég var næstum búinn að skipta um skoðun því ég hafði ekki áhuga á því að sjá neina af þessum myndum sem eru til sýnis núna nema nokkrar sem ég er þegar búinn að sjá. En það er ein mynd sem ég hafði ekkert heyrt um og hún hljómaði frekar leiðinlega þegar ég las um hana en ég fór samt á hana. Ég lifði mig strax inní myndina, var að deyja úr spennu allan tímann, mér brá í öllum bregðusenum og öskraði meira að segja í einu og skemmti mér bara þokkalega vel á þessari mynd. Ég held að þeir sem eru fyrir spennu og smá hrylling ættu alls ekki að láta þessa mynd framhjá sér fara.

Ja hérna, ekki bjóst ég við þessu. Miðað við umtalið og gagnrýnina sem myndin hefur fengið átti ég von á miklum leiðindum þegar ég álpaðist inn á hana fullur efasemda. En þessi bíóferð mín varð ein af þessum fágætu þar sem blessuð ræman reis langt fyrir ofan væntingar. Myndin er þrælspennandi út í gegn, hillbillíarnir vekja hjá manni tilætlaðan óhug og myndin er hreint út sagt ágætis afþreying. Þetta er ein af þessum myndum þar sem menn mega ekki einblína um of á smáatriði í söguþræði eða búast við Óskarsverðlaunaleik.

Stundum verður maður að súpa seyðið af því að vera forfallinn aðdáandi hryllingsmynda. Það á svo sannarlega við hér, því Wrong Turn er einhver alversta kvikmynd sem ég hef á ævi minni séð. Sagan er algjörlega stolin úr The X-Files, nánar tiltekið þættinum Home sem sagði frá stökkbreyttri sveitafjölskyldu með talsverðar ofbeldistilhneigingar. Wrong Turn tekur þessa hugmynd og bætir svo við smá Deliverance og I Know What You Did Last Summer, og útkoman er skammarleg fyrir alla þá sem að myndinni koma. Það er ekki nóg með að myndin móðgi áhorfendur heldur ættu allir íbúar Vestur-Virginíufylkis að fara í mál vegna meiðyrða, þar sem myndin notar allar neikvæðar stereótýpur um það fólk á hinn versta hátt. Eina ástæðan fyrir því að Wrong Turn fær ekki eitt stórt núll er Eliza Dushku. Það er alltaf gaman að fylgjast með henni. Vonandi verður þessi kvikmynd annar nagli í líkkistu kvikmyndaferils hennar svo hún neyðist til að gefast upp og samþykkja að taka við þar sem blóðsugubaninn Buffy hætti og leika í þætti um blóðsugubanann Faith. Forðist þessa eins heitan eldinn!