The Woman King (2022)

The Woman King fékk A CinemaScore-einkunn frá áhorfendum sem er mjög sjaldgæft.

n Lupita Nyong’o var fyrst boðið hlutverk Nanisca sem Viola Davis fékk síðar. Lupita hafnaði hlutverkinu vegna þess að hún komst að því að Agojie-stríðskonurnar tóku þátt í þrælasölu og sýndu jafnmikla eða jafnvel meiri grimmd gagnvart þrælum en kaupendurnir.

Konungsríkið Dahomey í vestur Afríku var staðsett þar sem Benín er í dag. Ríkið var til frá árinu 1600 til 1904. Landið óx að vöxtum og viðgangi í takti við þrælasöluna yfir Atlantshafið og varð þekkt sem aðal uppspretta þræla í Afríku. Ríkið var byggt upp sem hernaðarríki og var því stöðugt undir vopnum. Það tók börn, konur og menn höndum í stríðum gegn nágrannaríkjunum og seldi fólkið yfir hafið í skiptum fyrir hluti eins og riffla, byssupúður, vefnaðarvörur, tóbak og alkóhól. Aðrir sem teknir voru höndum voru notaðir sem þrælar í Dahomey þar sem þeir unnur á plantekrum og voru reglulega teknir af lífi í fjöldaaftökum og fórnarathöfunum.