Snake Outta Compton (2018)

Eins og heiti myndarinnar bendir til gerist hún í Compton-hverfinu í Los Angeles á þeim tíma sem allir, eða margir a.m.k., sem þar bjuggu töldu sig vera rappara á uppleið. Nokkrir þeirra hafa nýlega skrifað upp á mikilvægan samning um tónleikahald þegar þeir fá skyndilega um allt annað að hugsa. Inn í söguna blandast snákur einn sem vegna efnafræðitilraunar eins af nördum hverfisins byrjar að stækka og stækka með tilheyrandi aukinni matarlyst. Vilji hinir vösku meðlimir rappsveitarinnar láta drauma sína rætast á tónlistarsviðinu verða þeir fyrst að leysa þetta snákavandamál ...