54 (1998)

Sæmileg mynd sem segir frá diskóklúbb einum í New York borg á áttunda áratugnum sem kallaður var Studio 54. Draumur eiganda klúbbsins, sem leikinn er af Mike Myers, var að búa til stað þar sem frægt fólk og almúginn gætu skemmt sér saman. Sagan er sögð út frá sjónarhorni ungs Jersey búa, leikinn af Ryan Phillipe, sem dreymir um að umgangast fræga fólkið og verða eitthvað meira en hann er. Gallinn er samt sá að Phillipe á ekki séns í að halda myndinni uppi og helstu leiktilþrifin í þessari mynd eru tvímælanlaust hjá Mike Myers sem að ég hefði varla þekkt hefði ég ekki vitað fyrirfram að hann væri í myndinni. Neve Campbell og Salma Hayek eru í minni hlutverkum og skila þeim ágætlega. Það er mikið af nekt í myndinni og frekar smekklausum samfarasenum sem mér fannst ekki vera til staðar til að þess að þjóna söguþræðinum. Þegar allt kemur til alls er þetta frekar innihaldslaus mynd sem skartar litlu öðru en þokkalegri tónlist og góðum aukaleikurum.