Mike Myers, betur þekktur sem ofurnjósnarinn Austin Powers, Fat Bastard og Love Guru, ætlar að þreyta frumraun sína sem leikstjóri á næstunni og leikstýra myndinni Supermensch.
Myndin mun fjalla um feril Shep Gordon, sem er svokallaður talent manager, eða umboðsmaður. Myers kynntist Gordon fyrst þegar hann þurfti að eiga viðskipti við hann þegar hann var að reyna að fá leyfi til að nota lag Alice Cooper, Feed My Frankenstein, í mynd sína Wayne´s World. Myers og Gordon eru búnir að vera vinir síðan.
Gordon hefur haft umsjón með ferlum listamanna eins og Blondie, Luther Vandross og Raquel Welch, og hefur lifað litríku lífi. Myers mun rekja sögu hans sem hófst þegar hann vann með tónlistargoðsögnunum Janis Joplin og Jimi Hendrix árið 1968.
„Ég hitti Shep Gordon árið 1991 á tökustað Wayne´s World. Mér fannst hann vera fullkomin blanda af Brian Epstein, Marsall McLuhan og Mr. Magoo. Ég hef síðastu 10 ár reynt að fá Shep til að samþykkja að fá að gera mynd um hann,“ sagði Myers í fréttatilkynningu.
„Á síðasta ári sagði hann loksins já. Ég elskaði hann eins og bróðir minn áður en við byrjuðum að gera þessa mynd og nú eftir að hafa skrunað í gegnum líf hans í tengslum við gerð myndarinnar, þá elska ég hann jafnvel enn meira.“