Sænski leikarinn Max von Sydow er látinn, 90 ára að aldri, en eiginkona leikarans, Catherine Brelet, staðfesti andlátið í viðtali við franska fjölmiðla.
Von Sydow lék í fleiri en hundrað kvikmyndum á ferli sínum og var tvívegis tilnefndur til Óskarsverðlauna (fyrir Awakenings og Extremely Loud & Incredibly Close). Hann er sennilega þekktastur fyrir hlutverk sín í The Exorcist, Flash Gordon, Hannah and Her Sisters, Sjöunda innsiglinu og mörgum fleirum.
Á meðal hans síðustu kvikmynda var sjöundi kafli Star Wars myndabálksins, The Force Awakens.
