Kominn er nýr frumsýningardagur fyrir íslensku myndina Málmhaus, nýjustu mynd Ragnars Bragasonar leikstjóra. Í Morgunblaðinu í dag er sagt frá því að myndin verði frumsýnd þann 11. október nk.
Myndin fjallar um stúlku sem missir bróður sinn, kennir sjálfri sér um fráfall hans og finnur útrás fyrir sorgina í þungarokki.
Málmhaus er fimmta kvikmynd Ragnars, en hann er einnig þekktur fyrir gerð sjónvarpsþátta eins og Vaktaseríunnar svokölluðu.