Tvö ný plaköt hafa verið gefin út fyrir Marvel ofurhetjumyndina Thor: The Dark World, með þeim Chris Hemsworth og Natalie Portman í aðalhlutverkum, ásamt Christopher Eccleston í hlutverki hins illa Malekith sem vill senda alheiminn beinustu leið inn í eilíft myrkur. Þetta er eitthvað sem Thor, sem leikinn er af Hemsworth, getur ekki látið viðgangast og fer í sinn hættulegasta og persónulegusta leiðangur til þessa. Í ferðinni hittir hann Jane Foster á ný, sem leikin er af Portman, og hann mun þurfa að fórna öllu til að bjarga okkur hinum.
Kíktu á þau Thor og Jane Foster á fyrra plakatinu og á hinn illa Malekith taka ofan grímuna á því síðara:
Aðrir leikarar í myndinni eru m.a. þau Tom Hiddleston, Stellan Skarsgård, Idris Elba, Adewale Akinnuoye-Agbaje, Kat Dennings, Ray Stevenson, Zachary Levi, Tadanobu Asano, Jaimie Alexander, Rene Russo og Anthony Hopkins.
Myndin kemur í bíó í Bandaríkjunum 8. nóvember nk.
