Lofaði að klippa Lee ekki úr Hobbitanum

Peter Jackson stóð við loforð sitt um að klippa Christopher Lee ekki út úr Hobbitanum.

Leikstjórinn klippti Lee í hlutverki seiðkarlsins Saruman út úr síðustu Lord of the Rings-myndinni. Atriðin með honum sjást aðeins í lengri útgáfu myndarinnar sem var gefin út á DVD.

Jackson lofaði Lee að klippa hann ekki út úr Hobbitanum og stóð við það. „Ég er mjög ánægður með að hann er í þessari mynd. Hann var mjög svekktur yfir því að vera klipptur út úr upphaflegu útgáfunni af Return of the King en hann er í lengri útgáfunni,“ sagði Jackson við Breakingnews.ie.