Væntanlegt - Kvikmyndir.is
Væntanlegt
60 movies on their way to Icelandic cinemas
July 2026
5 movies
Moana
Premiere Jul 9Þegar hræðileg bölvun sem hálfguðinn Maui olli berst til eyju þorpshöfðingja í Pólýnesíu til forna svarar einþykk dóttir hans kalli hafsins og leggur af stað til að finna hálfguðinn og koma öllu í lag aftur.
Evil Dead Burn
Premiere Jul 9Eftir að hafa misst eiginmann sinn leitar kona huggunar hjá tengdafjölskyldu sinni á afskekktu heimili þeirra. Þegar þau breytast í djöfullega Deadites anda, eitt af öðru – og breyta samkomunni í martraðarkennt ættarmót – uppgötvar hún að heitin sem hún gaf í lifanda lífi... lifa áfram, jafnvel í dauðanum.
The Odyssey
Premiere Jul 16Ódysseifur, hinn goðsagnakenndi gríski konungur Íþöku, leggur í langa og hættulega heimferð að Trójustríðinu loknu. Sagt er frá viðureignum hans við goðsagnaverur á borð við kýklópann Pólýfemos, sírenurnar og seiðgyðjuna Kirku.
Wasteman
Premiere Jul 16Vonir Taylors um nýtt upphaf eftir skilorðslausn eru í hættu þegar klefafélaginn Dee kemur til sögunnar. Þegar Dee tekur Taylor undir sinn verndarvæng reynir á samband þeirra eftir hrottalega árás sem neyðir Taylor til að velja á milli þess að vernda Dee og eigin möguleika á frelsi.
Spider-Man: Brand New Day
Premiere Jul 30Peter Parker reynir að einbeita sér að háskólanámi og leggja Köngulóarmanninn á hilluna. En þegar ný ógn steðjar að vinum hans verður hann að svíkja loforð sitt og klæða sig aftur í búninginn og taka höndum saman með óvæntum bandamanni til að vernda þá sem hann elskar.
August 2026
9 movies
PAW Patrol: The Dino Movie
Premiere Aug 6Hvolpasveitin lendir á dularfullri risaeðlueyju eftir storm og hitta Rex, hvolp sem er þar fastur. Þegar glæfraleg námuvinnsla Humdingers kemur af stað eldgosi stendur sveitin frammi fyrir sinni stærstu björgunaraðgerð til þessa - að bjarga eyjunni.
The End of Oak Street
Premiere Aug 13Eftir að dularfullur alheimsviðburður færir Eikargötu úr úthverfinu og flytur allt hverfið eins og það leggur sig á óþekktan stað, uppgötvar fjölskylda fljótlega að tilvera hennar veltur á því að þau standi saman á meðan þau reyna að átta sig á því sem gerðist.
Ice Cream Man
Premiere Aug 13Brjálsemi skekur friðsælan sumarbæ þegar ísbílsstjóri selur börnum sætindi með skelfilegum afleiðingum.
Urchin
Premiere Aug 13Mike, heimilislaus maður í London, er fastur í vítahring sjálfseyðileggingar á meðan hann reynir að snúa lífi sínu við. Á leiðinni fær hann óvænt tækifæri til að byrja upp á nýtt.
One Night Only
Premiere Aug 13Tveir menn reyna í ofboði að finna einhvern til að sofa hjá á einu nóttu ársins þegar kynlíf fyrir hjónaband er löglegt.
Insidious: Out of the Further
Premiere Aug 20Þrír eltihrellar lauma sér inn í friðsælt úthverfi og neyða nýja fjölskyldu inn á sálarsviðið, þar sem þau komast að skelfilegum sannleika: Framheimurinn er að leka yfir í raunveruleikann.
Spa Weekend
Premiere Aug 20Fjórar æskuvinkonur gera sér grein fyrir því að einhvers staðar á milli frama, sambanda, fjölskyldna og hversdagslegra skyldna hafa þær gleymt að hugsa um sjálfar sig og hverja aðra. Útbrunnar flýja konurnar í lúxus heilsulind í það sem reynist vera ógleymanleg helgi tileinkuð skemmtun, hlátri og fjölda virkilega slæmra ákvarðana.
The Dog Stars
Premiere Aug 27Eftir að heimsfaraldur hefur geisað meðal mannkyns lifir maður einmanalegu lífi í flugskýli í Colorado ásamt hundi sínum og þunglyndislegum byssumanni sem hann hefur vingast við. Þegar dularfull útsending heyrist í talstöðinni á meðan hann flýgur gömlu Cessna-vélinni sinni hefst leit að uppruna hljóðsins.
Cliffhanger
Premiere Aug 27Í helgarferð með syni milljarðamærings verða þaulvanur fjallgöngumaður, Ray Cooper, og dóttir hans, Sydney, fyrir árás mannræningja. Hin dóttir Cooper, Naomi, sem er enn að jafna sig andlega af klifurslysi í fortíðinni, verður vitni að árásinni og sleppur. Til að bjarga fjölskyldu sinni verður hún að horfast í augu við óttann og berjast fyrir lífi sínu.
September 2026
13 movies
Klassefesten: Vinir að eilífu
Premiere Sep 3Þegar Niels verður fimmtugur og finnst lífið tilgangslaust draga bestu vinir hans tveir hann með sér í ferðalag þar sem þeir komast að því meðal annars að enginn þeirra er sérstaklega góður í því að vera fullorðinn.
How to Rob a Bank
Premiere Sep 3Hópur bankaræningja með mikla þekkingu á samfélagsmiðlum sendir út myndbönd af djörfum ránum sínum, óafvitandi um að vaxandi vinsældir þeirra á netinu hafa komið þeim í sigti reynds alríkislögreglumanns og snjalls hugbúnaðarverkfræðings. Þrátt fyrir að þetta ólíklega tvíeyki nálgist þá óðfluga, þá þenur glæpahringurinn þolmörkin og leggur allt í sölurnar fyrir metnaðarfyllsta rán sitt til þessa.
Gæludýralestin
Premiere Sep 3Þegar lest leggur óvænt af stað með eingöngu gæludýr um borð, uppgötva dýrin að Hans, gramur greifingi, stendur á bak við allt saman. Þótt stórslys virðist óumflýjanlegt geta dýrin treyst á Fálka, óstýrilátan þvottabjörn sem gerir hvað sem er til að bjarga þeim.
Pressure
Premiere Sep 10Á síðustu 72 klukkustundunum fyrir D-daginn, þegar örlög hins frjálsa heims héngu á bláþræði, stóðu Dwight D. Eisenhower hershöfðingi og James Stagg flugliðsforingi frammi fyrir ómögulegu vali – að hefja stærstu og hættulegustu innrás sögunnar af hafi eða hætta á að tapa stríðinu með öllu.
Idiots
Premiere Sep 10Þegar tveir vanhæfir kjánar eru ráðnir til að flytja ríkan ungling í meðferð, breytist einfalt verkefni þeirra fljótt í hættulega ringulreið.
Practical Magic 2
Premiere Sep 10Ætt norna, sem hefur verið dæmd til ástlauss lífs um aldir, reynir að rjúfa álögin með því að horfast í augu við myrk leyndarmál og fórna sér hver fyrir aðra.
Anorgasmia
Premiere Sep 10Eldgos stöðvar allt flug frá Íslandi og tveir ókunnugir ferðalangar verða strandaglópar. Með þeim takast kynni og þau ákveða að stela bíl til að komast að gosstöðvunum. Það sem hófst sem bílferð breytist í ferðalag sem gjörbreytir lífi þeirra.
Sense and Sensibility
Premiere Sep 10Elinor og Marianne Dashwood verða að yfirgefa setur sitt í Sussex og flytja inn til fjarskylds ættingja, þar sem þær glíma við ástar- og fjárhagsvandræði.
Resident Evil
Premiere Sep 17Sendill sem hefur það verkefni að afhenda pakka á afskekkt sjúkrahús á von á venjulegri ferð. En þegar hann kemur á áfangastað hefur skelfileg farsótt þegar tekið yfir staðinn. Á örskotsstundu breytist hversdagslegt erindi í hreina lífsbaráttu þegar hann festist í miðju banvænu smiti sem breytir fólki í ógnvænleg stökkbreytt skrímsli. Umkringdur blóðþyrstum verum og án undankomueiðar neyðist hann til að berjast fyrir lífi sínu í myrkum göngum sjúkrahússins, þar sem hver gangur felur í sér nýjar hættur og hvert skref gæti verið hans síðasta. Til að komast lífs af verður hann að afhjúpa sannleikann á bak við faraldurinn – áður en hann verður næsta fórnarlamb.
Fuglar (og menn)
Premiere Sep 17Í Loðmundarfirði er sérstætt bæjarfélag í umsjá hjónanna Ólafs og Jóhönnu. Bæjarbúar eru æðarfuglar sem leggja í langt ferðalag til þess eins að ala upp afkvæmi sín í þessari öruggu náttúruparadís. Það skiptast á skin og skúrir í lífi fuglanna en samlífið með hjónunum er einstakt fyrir alla aðila.
Shaun the Sheep: The Beast of Mossy Bottom
Premiere Sep 24Það er hrekkjavökukvöld á Flóamýri, en eftirvæntingin breytist í vonbrigði þegar klunnalegi bóndinn eyðileggur graskersgarðinn. Hrúturinn Hreinn reynir að bjarga málunum með vísindatilraunum, en allt fer úrskeiðis þegar villidýr birtist í skóginum.
Heart of the Beast
Premiere Sep 24Fyrrverandi sérsveitarmaður úr hernum og hundur hans berjast fyrir lífi sínu eftir að hafa lent í skelfilegu flugslysi djúpt í óblíðum óbyggðum Alaska. Tvíeykið þarf að komast yfir hrikalegt landsvæði til að snúa aftur til siðmenningarinnar á meðan það glímir við náttúruöflin og eigin innri djöfla.
Árru
Premiere Sep 24Hreindýrahirðirinn Maia berst fyrir því að vernda ættarlönd sín gegn yfirvofandi námuvinnsluverkefni. Á sama tíma og mótmælin magnast er hún einnig neydd til að horfast í augu við djúpstæð fjölskylduáföll sem hafa legið í dvala. Maia stendur frammi fyrir erfiðri ákvörðun ...
October 2026
10 movies
Digger
Premiere Oct 1Valdamesti maður í heimi leggur upp í örvæntingarfullan leiðangur til að sanna að hann sé frelsari mannkyns áður en hörmungarnar sem hann leysti úr læðingi eyðileggja allt.
Verity
Premiere Oct 1Rithöfundurinn Lowen Ashleigh er í fjárhagskröggum og flytur á afskekkt setur í Crawford til að skrifa bækur undir rithöfundarnafni Verity Crawford. Þegar Lowen finnur það sem virðist vera óhugnanleg sjálfsævisaga Verity glímir hún við óþægilegar og brenglaðar játningar um eiginmann hennar, Jeremy. Henni reynist erfitt að greina skáldskap frá raunveruleika, blekkingu frá aðdráttarafli og tækifæri frá þráhyggju.
Animal Farm
Premiere Oct 8Kaldæðin dæmisaga um byltingu og völd sem rekur hvernig jafnréttishreyfing spillist kerfisbundið. Þegar svínin treysta völd sín er sannleikanum útrýmt, andóf er kramið og búgarðurinn sekkur í vægðarlaust einræði.
The Social Reckoning
Premiere Oct 8Frances Haugen, ungur verkfræðingur hjá Facebook, fær Jeff Horwitz, blaðamann hjá Wall Street Journal, í lið með sér í hættuför sem endar með því að hún ljóstrar upp um best geymdu leyndarmál samfélagsmiðilsins.
The Weight
Premiere Oct 8Árið 1933 í Oregon fylki í Bandaríkjunum. Samuel Murphy er tekinn frá dóttur sinni og sendur í grimmilegar vinnubúðir. Fangelsisstjórinn Clancy freistar hans með loforði um snemmbúna lausn ef hann smyglar gulli yfir hrjóstugar óbyggðir. En svik grafa um sig í hópnum og Murphy veltir fyrir sér hversu langt hann er reiðubúinn að ganga til að sjá barnið sitt aftur.
Street Fighter
Premiere Oct 15Bardagamennirnir Ryu og Ken sameinast á ný þegar Chun-Li fær þá til liðs við sig fyrir World Warrior-mótið. Þegar þeir standa frammi fyrir leyndu samsæri verða þeir að takast á við hvorn annan og fortíð sína – eða horfast í augu við tortímingu.
Whalefall
Premiere Oct 15Kafari í leit að líkamsleifum látins föður síns er gleyptur af 24 metra löngum, 60 tonna búrhval og hefur aðeins klukkustund til að sleppa áður en súrefnið þrýtur.
Fjord
Premiere Oct 16Eftir andlát foreldra Mihai yfirgefa þau Mihai og Lisbeth Gheorghiu allt í Rúmeníu og flytja með börnum sínum í afskekkt þorp í Noregi í von um að byrja nýtt líf í nálægð við fjölskyldu Lisbethar. Þar kynnast þau nágrönnum sínum, Halberg-fjölskyldunni, en hlýja þeirra gefur fyrirheit um nýtt upphaf. En brothættur friðurinn tekur að rakna upp þegar ung dóttir Gheorghiu-hjónanna, Elia, mætir í skólann öll í marblettum.
Forgotten Island
Premiere Oct 22Jo og Raissa eru strandaglópar í dularfullum heimi gleymdu eyjunnar Nakali. Þau uppgötva að eina leiðin heim gæti verið á kostnað ævilangra sameiginlegra minninga.
Clayface
Premiere Oct 22B-mynda leikari sprautar sig með efni og breytir um ham og kemst að því að hann getur endurmótað andlit sitt og líkama og verður að gangandi leirmola. Hann hrellir fólk í Gotham City, ýmist sem illmenni eða bandamaður Batmans.
November 2026
8 movies
The Cat in the Hat
Premiere Nov 5Kötturinn með höttinn gerir það sem hann gerir best og dreifir gleði til barna á sinn fáránlega, einkennandi og einstaklega ósvífna hátt. Hann flytur þau og áhorfendur í ævintýralega ferð um nýjan heim. Hetjan okkar tekst hér á við sitt erfiðasta verkefni til þessa fyrir S.S.Í.I. (Stofnun fyrir Stöðu Ímyndunarafls og Innblásturs ehf.) til að gleðja Gabby og Sebastian, systkini sem eru nýflutt í bæinn. Kötturinn er þekktur fyrir að ganga of langt og þetta gæti því verið síðasta tækifæri þessa "óreiðuframleiðanda" til að sanna sig... eða missa töfrahattinn sinn!
Archangel
Premiere Nov 5Vopnakerfisverkfræðingur og fyrrverandi sérsveitarmaður í Grænhúfunum, eða Green Beret, verndar nágranna sína í Wyoming fyrir miskunnarlausu fyrirtæki sem ógnar dreifbýlu samfélagi þeirra.
Wild Horse Nine
Premiere Nov 5CIA-fulltrúarnir Chris og Lee takast á við verkefni sem á að sanna að þeir séu traustsins verðir, í höfuðborg Chile, Santiago, og á Páskaeyju árið 1973.
Ebenezer: A Christmas Carol
Premiere Nov 12Spennandi draugasaga sem gerist í London á tímum rithöfundarins Charles Dickens. Hún segir frá yfirnáttúrulegu ferðalagi manns sem þarf að horfast í augu við fortíð sína, nútíð og framtíð í baráttu fyrir annarri tilraun til sáluhjálpar.
The Great Beyond
Premiere Nov 12Ung nýgift hjón takast á við yfirnáttúrulegra veru í baráttu fyrir lífi sínu.
The Hunger Games: Sunrise on the Reaping
Premiere Nov 19Myndin gerist 24 árum fyrir atburði fyrstu Hungurleikamyndarinnar, og hefst morguninn fyrir fimmtugustu hungurleikana. Meðal keppenda er Haymitch Abernathy þegar hann var ungur maður.
Focker In-Law
Premiere Nov 26Ungur maður að nafni Henry, sonur Gregs og Pam Focker, ýtir af stað ringulreið innan fjölskyldunnar þegar hann hyggst giftast mjög ákveðinni konu sem virðist alls ekki henta honum.
Hexed
Premiere Nov 26Vandræðalegur unglingsstrákur og metnaðarfull móðir hans komast að því að það sem gerir hann óvenjulegan gætu verið töfrakraftar sem eiga eftir að umturna lífi þeirra beggja og opna leynilegan töfraheim.
December 2026
4 movies
Músajól
Premiere Dec 3Lítil músafjölskylda skipuleggur rólega jólahátíð í húsinu sem þau búa í fyrir utan borgina, en hátíðahöldin raskast þegar óvænt mannfólk birtist í húsinu. Þegar mýsnar reyna að fela undirbúning sinn bregst mannfólkið við hávaðanum á bak við veggina af hörku. Músajól er stórskemmtileg jólamynd fyrir alla fjölskylduna og er að sjálfsögðu með íslensku tali.
Avengers: Doomsday
Premiere Dec 17Ástsælar ofurhetjur úr þremur aðskildum heimum gætu lent í banvænum árekstri og standa frammi fyrir tilvistarógn ólíkri öllu sem þær hafa áður mætt.
Dune: Part Three
Premiere Dec 17Sem keisari glímir Paul Atreides við afleiðingar valdatöku sinnar á meðan pólitísk samsæri og heilagt stríð sem teygir sig þvert yfir vetrarbrautina ógna framtíðinni sem aðeins hann getur séð fyrir.
Jumanji: Open World
Premiere Dec 26Hetjurnar okkar hafa áður sloppið úr síbreytilegum frumskógum Jumanji, en í þetta sinn kemur leikurinn til okkar – þegar Jumanji brýst út úr leikjatölvunni og gefur ringulreiðinni lausan tauminn í okkar heimi.
January 2027
2 movies
Children of Blood and Bone
Premiere Jan 14Zelie og eldri bróðir hennar, Tzain, mynda bandalag með dóttur konungsins, Amari prinsessu, og syni hans, Inan prinsi, til að berjast gegn grimmilegri stjórn hans.
The Beekeeper 2
Premiere Jan 14Annar hluti í seríunni. Söguþráður óákveðinn.
February 2027
4 movies
Ice Age: Boiling Point
Premiere Feb 4Söguþráður enn á huldu.
The Comeback King
Premiere Feb 4Kántrístjarna hrynur af stalli og þarf að bjarga ferlinum sem er í frjálsu falli.
No Good Men
Premiere Feb 11Árið er 2021 í Afganistan rétt áður en Talíbanar komust aftur til valda. Naru, eina kvikmyndatökukonan á aðalsjónvarpsstöðinni í Kabúl, á í erfiðleikum með að halda forræði yfir þriggja ára syni sínum eftir að hafa yfirgefið eiginmann sinn sem hélt stöðugt framhjá henni. Hún er sannfærð um að engir góðir menn séu til í landinu. Það kemur henni því verulega á óvart þegar Qodrat, mikilvægasti blaðamaður Kabúl TV, býður henni tækifæri til frama í starfi. Þegar þau ferðast þvers og kruss um borgina og fjalla um síðustu daga frelsisins kviknar neisti á milli þeirra og Naru fer að efast um eigin sannfæringu: getur verið að það sé í raun til góður maður þarna úti?
Lóa - goðsögn vindanna
Premiere Feb 25Þegar lóurnar ákveða að fljúga ekki norður og boða vorið fer fimbulvetur í hönd og snædrottning rís til valda. Ung hugjónarsöm LÓA ákveður að safna saman hópi furðufugla sem leggja á sig stórkostlega hættu í miðju ríkidæmis drottningarinnar til þess að tryggja komu vorsins og þannig bjarga heiminum.
July 2027
2 movies
Shrek 5
Premiere Jul 1Shrek og fjölskylda hans lenda í ævintýrum í hinu töfrandi konungsríki Lengra, lengra í burtu.
Minecraft 2
Premiere Jul 22Steve og Alex fara enn dýpra inn í Overworld og uppgötva þar ný landsvæði og standa frammi fyrir ferskum áskorunum.
