Independence Day og Christmas Vacation leikaranum Randy Quaid og eiginkonu hans Evi hefur verið sleppt úr fangelsi, en þeim var stungið bakvið lás og slá vegna ákæru um skemmdarverk í húsi sem þau höfðu átt í Kaliforníu.
Hjónin höfðu setið í fangelsi síðan 9. október sl.
Randy sagði utan við dómhúsið eftir að dómari hafði leyst þau úr haldi án þess að þau þyrftu að borga tryggingu, að hann hlakkaði til að dvelja áfram í Lincoln í Vermount, og hefði áhuga á að fá vinnu hjá slökkviliðinu í bænum samkvæmt the Burlington Free Press.
Hjónunum var stungið i steininn þegar þau reyndu að komast yfir landamærin frá Kanada til Bandaríkjanna í gegnum Vermount.
Yfirvöld í Santa Barbara í Kaliforníu hafa lýst eftir þeim til að fá þau til að svara til saka vegna skemmdarverka sem þau eiga að hafa framið árið 2010, í gistihúsi, sem áður var í þeirra eigu.
Hjónin hundsuðu ítrekað að mæta fyrir dómara í Bandaríkjunum og flúðu til Kanada, en Evi fékk ríkisborgararétt þar í landi. Quaid var hinsvegar neitað um dvalarleyfi.
Yfirvöld í Santa Barbara eru nú sögð íhuga sitt næsta skref í málinu.
Randy & Evi Quaid released from custody in #vt @bfp_news pic.twitter.com/NYNrrITWVk
— Glenn Russell (@GlennVermont) October 15, 2015