Ralph Macchio segir að honum sé sama þó hans verði ætíð minnst sem Danny, öðru nafni Karate Kid.
Macchio, sem nú er að fara að leika í leikriti á Broadway í New York, var 22 ára þegar hann lék Danny LaRusso í myndinni Karate Kid frá árinu 1984, og hefur alla tíð síðan verið kallaður Karate Kid, þó hann hafi gert sitt til að reyna að losna við þann stimpil. Í dag hefur hann tekið nafngiftina í sátt.
Í myndinni lék hann ungan dreng, sem bræddi mörg kvenmannhjörtun á þeim tíma, sem lærði hina fögru karate-list af Mr. Miyagi, sem leikinn var af Pat Morita.
Í dag er Macchio orðinn 54 ára, en lítur út fyrir að vera mun yngri, eins og sjá má á þessari mynd í New York Times.
Þeir sem vilja sjá Macchio í eigin persónu geta pantað sér miða á leikritið A Room of My Own, sem er hálf sjálfsævisögulegt gamanleikrit eftir Charles Messina sem frumsýnt verður þann 25. febrúar nk.
Macchio leikur þar Carl Morelli, rithöfund sem sem segir eigin sögu um það hvernig það var að alast upp í Greenwich Village í New York.