Gamanleikarinn Jonah Hill á nú í viðræðum um að ganga til liðs við næstu mynd gamanmyndaleikarans og leikstjórans Ben Stiller. Myndin er gamanmynd með vísindaskáldsögulegt yfirbragð og heitir Neighborhood Watch.
Vince Vaughn og Rosemarie DeWitt hafa þegar samþykkt að leika í myndinni, en leikstjóri verður Akiva Schaffer. Söguþráður myndarinnar snýst um nágrannavörsluhóp í úthverfi sem er í raun yfirvarp fyrir pabba í hverfinu til að geta hist og átt smá „kallatíma“ fjarri fjölskyldunni. Hlutirnir taka hinsvegar nýja og óvænta stefnu þegar hópurinn uppgötvar illt plan um að eyða jörðinni.
Hill mun leika aðstoðarmann Vaughn, ef hann verður með, en aðstoðarmaðurinn er með stöðugar ýkjusögur um fortíð sína, en reynist svo eiga grófa og dimma hlið.
Tökur myndarinnar fara fram í Georgíu í haust.
Hill er næst væntanlegur á hvíta tjaldið nú í haust í Brad Pitt hafnaboltadramanu Moneyball, og þar á eftir í kvikmyndaútgáfunni af sakamálaþáttunum 21 jump street.
Jonah Hill hefur breyst nokkuð nú á árinu eftir að hann fór í megrun, eins og sést á myndunum.