Independence Day II & III í vinnslu

Roland Emmerich breytti aðeins til þegar hann gerði Shakespeare sæmsærismyndina Anonymous á árinu þar sem engin útgáfa af heimsendi átti sér stað. Nú er hann að kynna þá mynd og í slíkum aðstæðum gefst tækifæri til að spyrja út í væntanleg verkefni, og enn og aftur barst talið að Independence Day framhöldunum sem Emmerich og Dean Devlin framleiðandi og handritshöfundur hafa hægt og rólega verið með í undirbúningi, en hugmynd þeirra og 20th Century Fox er að taka upp báðar myndirnar í einu, og að þær muni bera titlana ID4-EVER: PART ONE AND TWO. Þannig talar Emmerich allavega um þær, og hann sagði líka þetta í viðtali við aintitcoolnews:

„Fox hefur ennþá áhuga, við erum enn að tala um það. Þetta er að gerast. Þetta er langt ferli, því það eru svo margir aðilar hluti af því og ég er heimta að gera þetta bara með sama fólkinu. Ég ætla ekki að gera „reeboot“ eða neitt svoleiðis. Fyrir tveimur árum fundum við upp mjög fína sögu, núna þurfum við bara að fara að setjast niður og skrifa hana. Dean Devlin er frekar upptekin með sjónvarpsþáttinn sinn, og ég er að gera mína hluti, en bráðlega held ég að við munum setjast niður og skrifa fyrsta uppkast. Það er kominn tími til. (hlær) Við vitum að það þarf að vera gott, það þarf fullt af fólki að segja „Já, ég er til“ – Það er stúdíóið, það er Will Smith, hinir leikararnir… þetta er langur listi, en ég held að allir séu tilbúnir að láta reyna á það.“

Emmerich segir þarna krystaltært að hann ætli sér ekki að gera myndina án neinna af aðal leikurunum, en það gæti reynst honum erfitt. Fox hóf samningaviðræður við Will Smith árið 2009, en þær strönduðu á risastórri launakröu leikarans, en hann bað um 50 milljónir bandaríkjadala fyrir þáttöku í myndunum tveimur. Smith hefur ekki birst á hvíta tjaldinu síðan árið 2008 í myndunum Hancock og Seven Pounds, heldur verið að einbeita sér að fjölskyldu sinni, og setja upp ferilinn hjá krökkunum Jaden og Willow. Á næsta ári mun hann hinsvegar birtast í Men in Black III þannig að kannski munu samningar nást við hann um að leika í fleiri framhaldsmyndum. Fox eru sagðir tilbúnir í ID4-EVER með eða án Smith, en þessi komment frá Emmerich ættu að setja hann í betri samningsstöðu…