Nú eru aðeins réttir þrír mánuðir þar til Hungurleikarnir hefjast á ný, í myndinni The Hunger Games: Catching Fire.
Í dag birtist nýtt plakat á Facebook síðu myndarinnar og má sjá það hér fyrir neðan:
Á plakatinu eru þau Jennifer Lawrence í hlutverki Katniss Everdeen og Josh Hutcherson sem Peeta Mellark.
Á plakatinu stendur: „‘No one is a victor by chance“ eða enginn verður sigurvegari fyrir tilviljun.
Þau Katniss og Peeta virðast vera stödd á keppnissvæði Hungurleikanna íklædd Hungurleika búningunum sínum, og til alls líkleg!
Myndin hefst eftir að Katniss Everdeen kemur heim til sín eftir að hafa unnið 74. árlegu Hungurleikana ( Hunger Games ), ásamt félaga sínum Peeta Mellark. Sigur þýðir að þau verða núna að fara í sigurferð um landsvæðin ( districts ) og skilja vini sína og fjölskyldur eftir heima. Í ferðinni skynjar Katniss að uppreisn er í aðsigi, en The Capitol stendur samt traustum fótum og Snow forseti er að undirbúa 75. árlegu Hungurleikana ( The Quarter Quell ) – sem er keppni sem getur breytt landinu Panem til framtíðar.
