Warner Bros. Television hefur birt fyrstu ljósmyndina úr sjónvarpsþáttunum The Flash sem sýndir verða á CW sjónvarpsstöðinni bandarísku, en The Flash er byggður á teiknimyndasögu frá DC comic teiknimyndafyrirtækinu.
Á myndinni sést leikarinn Grant Gustin í fullum skrúða sem hliðarsjálf Barry Allen, ofurhetjan The Flash. Þættirnir segja frá því þegar undarlegt slys gerir það að verkum að vísindamaðurinn Barry Allen fær ofurhraðahæfileika, sem breyta honum á svipstundu í hraðasta mann í heimi.
Tökur á þáttunum hefjast í næstu viku. Sjáðu myndina hér fyrir neðan:
