Fyrsta stiklan fyrir þriðja og síðasta hlutann í The Three Flavours Cornetto þríleik þeirra Edgar Wright og Simon Pegg, The World´s End, er komin út.
Fyrri myndirnar tvær, Hot Fuzz og Shaun of the Dead, hafa notið mikilla vinsælda fyrir frábæra blöndu af breskum húmor, uppvakningagríni, léttum súrrealisma og ofbeldi.
Sjáðu stikluna hér fyrir neðan:
Í myndinni, eins og sést í stiklunni, þá koma þeir æskufélagarnir saman á ný til að fara á eitt „epískt“ loka pöbbarölt. En það er eitthvað skrýtið á seyði í gamla heimabænum þeirra …
Myndin verður frumsýnd 6. september á Íslandi, í Bretlandi 19. júlí nk. en í Bandaríkjunum 23. ágúst nk.
