Leikkonan unga Chloe Moretz var klárlega ein helsta stjarna myndarinnar Kick-Ass í hlutverki hinnar ofbeldisfullu og kjaftforu ung-ofurhetju Hit Girl.
Moretz er nú mætt aftur sterkari og áræðnari en nokkru sinni fyrr í framhaldsmyndina, Kick-Ass 2.
Fyrsta stiklan úr Kick-Ass 2 sem kom út á dögunum var rauðmerkt, eða svokölluð Red band stikla, en núna er komin stikla fyrir almennan markað. Í stiklunni er áherslan öll á Hit Girl, og sýnir stiklan hana bæði þar sem hún er í menntaskólanum sem og annars staðar.
Auk hennar leika í myndinni þau Aaron Taylor-Johnson, Christopher Mintz-Plasse, Morris Chestnut, John Leguizamo og Donald Faison.
Sjáðu stikluna hér á vídeósíðu kvikmyndir.is.
Auk þessa er komið glænýtt plakat af Jim Carrey í gervi Stars and Stripes ofursta sem sjá má hér fyrir neðan:
Söguþráður myndarinnar er eftirfarandi: Eftir að hafa sýnt klikkað hugrekki sem sjálfskipaða ofurhetjan Kick – Ass, þá hrindir hann af stað nýrri bylgju sjálfskipaðra grímuklæddra ofurhetja. Þar er fremstur í flokki Stars and Stripes ofursti, og Kick-Ass gengur til liðs við þessar hetjur. Þegar hetjurnar verða fyrir árás Red Mist, sem er nú endurfæddur sem The Mother F….r, þá er það einungis hins hnífa- og sverðasveiflandi Hit Girl sem getur komið í veg fyrir algera útrýmingu þeirra. Síðast sáum við unga launmorðingjann Hit Girl og hina ungu sjálfskipuðu ofurhetju Kick-Ass þegar þau voru að reyna að lifa sínu lífi sem venjulegir unglingar, Mindy og Dave. Nú er útskrift úr skóla á næsta leiti og óvíst hvað tekur við. Dave ákveður að stofna heimsins fyrsta ofurhetjuteymi ásamt Mindy. Til allrar óhamingju þá er Mindy gripin glóðvolg í Hit Girl búningnum sínum við það reyna að stelast út að kvöldi til, og hún leggur því búninginn á hilluna og neyðist til að takast á við lífið í skólanum eins og hver önnur venjulegt stúlka. Nú hefur Dave engan til að vinna með, og ákveður því að slást í lið með Justice Forever, sem er hópur sem fyrrum mafíósinn Colonel Stars and Stripes stjórnar. Þegar hópurinn er loksins farinn að láta til sín taka úti á götum borgarinnar þá mætir heimsins fyrsta ofur – illmennið, The Mother F….r, á svæðið ásamt illvígu teymi sínu, en hann vill láta Kick-Ass og Hit Girl borga fyrir það sem þau gerðu föður hans. En það er eitt vandamál við þetta allt saman: þegar þú áreitir einn meðlim Justice Forever, þá ertu að áreita alla meðlimi hópsins.
Kick-Ass kemur í bíó 28. júní nk.
