Bandaríska sjónvarpsstöðin Syfy hefur nú birt fyrstu stikluna fyrir þriðju Sharknado myndina, en Sharknado fjallar um hvirfilbyl sem sogar hákarlatorfur upp úr sjónum og lætur svo dýrunum rigna yfir borgir.
Myndin, sem heitir Sharknadeo 3: Oh Hell No! verður frumsýnd á Syfy 22. júlí nk.
Eins og segir í stiklunni þá koma allar stórmyndir „í þríriti“, eins og The Dark Knight, The Godfather og The Lord of the Rings, og nú sé komið að Sharknado.
Í stiklunni sjást m.a. aðalleikararnir þau Ian Ziering og Tara Reid í kröppum dansi í hákarlaregni.
Sjáðu stikluna hér fyrir neðan:
Söguþráður myndarinnar er í stuttu máli að fyrst veldur hvirfilbylurinn miklu írafári í Washington og færir sig svo suður á bóginn niður til Flórída.
Leikstjóri er sem fyrr Anthony C. Ferrante.
