Tvær stærstu stjörnur sinnar kynslóðar úr gamanþáttunum Saturday Night Live, SNL, á NBC sjónvarpsstöðinni í Bandaríkjunum, Kristen Wiig og Bill Hader munu leika saman í myndinni The Skeleton Twins, og leika að sjálfsögðu titilpersónurnar.
Viig og Hader leika systkini sem eru hætt að talast við, en bæði sleppa naumlega undan því að deyja á sama deginum, og það verður til þess að þau ákveða að hittast á ný og fara yfir það hvað fór úrskeiðis í sambandi þeirra.
Rannsókn þeirra beggja hefst með því að horfa til baka á sambönd við gamlar kærustur og kærasta. Leikstjóri verður Craig Johnson.
Kristen Wiig er hætt að leika í SNL en Hader er þar enn, þó að líklega sé vera hans þar farin að styttast í annan endan eftir því sem öðrum verkefnum fjölgar.
Wiig lauk nýlega við að leika í mynd Ben Stiller, The Secret Life of Walter Mitty, sem tekin var upp hér á Íslandi, eins og flestir vita. Hún er nú að leika í myndinni „Hateship, Friendship“ ásamt Guy Pearce.
Hader lék síðast myndlistarmanninn Andy Warhol í Men in Black 3.
