Galifianakis og Reynolds dauðar löggur

Gamanleikarinn Zach Galifianakis, úr The Hangover, er nú sagður hafa tekið að sér aukahlutverk í hinni væntanlega R.I.P.D, eða Rest In Peace Department. Með aðalhlutverkið í myndinni færi Ryan Reynolds en fjallar hún um myrtan lögreglumann sem þarf að halda starfi sínu áfram í eftirlífinu.

Galifianakis léki einnig myrtan lögreglumann sem starfar við hlið persónu Reynolds til að leysa hin ýmsu mál, þar á meðal morð þeirra beggja. Myndin er byggð á samnefndri myndasögu, en vefsíðan 24 Frames segir heimildarmenn sína starfa við myndina en ekki vilja láta nafns síns getið.

– Bjarki Dagur