Fyrsta stiklan og þrjú ný plaköt komu í dag út fyrir nýjustu Ridley Scott og Christian Bale myndina Exodus: Gods and Kings, sem segir frá þeim Móses og Ramses konungi Egypta, sem ólust upp saman eins og bræður.
Móses leiddi síðan ísraelska þræla út úr Egyptalandi, eins og sagt er frá í Biblíunni.
Scott er frægur fyrir mikilfenglegar búningamyndir, eins og Gladiator sem dæmi, og Exodus: Gods and Kings ætti ekki að gefa henni mikið eftir ef eitthvað er að marka stikluna:
Myndin er pakkfull af gæðaleikurum, en hæst ber Christian Bale í hlutverki Móses og Joel Edgerton í hlutverki Ramses faraós. Þá leika þau Aaron Paul, Sigourney Weaver og John Turturro í myndinni, sem kemur í bíó 12. desember nk.
Smelltu hér til að skoða fleiri plaköt.
Myndin segir Biblíusöguna af Móses, sem samkvæmt Exodus bók Biblíunnar, dó næstum sem hvítvoðungur, en var tekinn inn í konungsfjölskyldu Egyptalands. Þegar hann óx úr grasi stóð hann upp í hárinu á faraóinum, frelsaði Hebrea og bjó til göng í gegnum Rauðahafið og leiddi þjóð sína þar í gegn.
