Empire kvikmyndatímaritið birtir í næsta tölublaði sínu, sem kemur út þann 30. júní, fyrstu myndirnar úr The Hobbit en tökur á myndinni, sem er í tveimur hlutum sem frumsýndir verða í desember 2012 og 2013, standa nú yfir í Nýja Sjálandi. Blaðamanni Empire var boðið að fylgjast með tökum, þegar mánuður var liðinn af tökutímanum, og í blaðinu verður afraksturinn birtur.
Á myndinni hér að neðan, sem er forsíða tímaritsins, sést Gandálfur, í túlkun Ian McKellen, 60 árum yngri en hann er í Lord of the Rings myndunum, en einnig sést í fyrsta sinn Bilbo Baggins í túlkun Martin Freeman.
