Fuglar (og menn) kemur í íslensk bíó 17. september

Heimildarmyndin Fuglar (og menn), sem ber enska titilinn Amongst the Birds, er væntanleg í íslensk bíó fimmtudaginn 17. september.

Myndin er eftir Mika Kaurismäki, Ragnar Axelsson og Ingvar Þórðarson og var heimsfrumsýnd á CPH:DOX fyrr á árinu. Þar er henni lýst sem látlausri, hlýrri og myndrænni kvikmynd um fugla, fólk og sérstakt samband manns og náttúru.

Sagan gerist í Loðmundarfirði þar sem hjónin Ólafur og Jóhanna taka á móti æðarfuglum sem leggja langt ferðalag á sig til að verpa á öruggum stað.

Í samtali við RÚV lýsti Ingvar myndinni m.a. sem spennumynd enda steðja ýmsar hættur að varpinu, eins og frá mávum og minkum svo dæmi séu tekin.

CPH:DOX lýsir myndinni sem fyndinni og fallegri heimildarmynd um að hugsa vel um litla hornið af heiminum sem maður býr í. Fyrir íslenska áhorfendur er efnið kunnuglegt en um leið sjaldséð á hvíta tjaldinu: æðarfugl, austfirsk náttúra og fólk sem lifir í nánu samspili við árstíðirnar.

Fuglar (og menn) (2026)

Langar að sjáHef séð

Gefa einkunn

★★★★★★★★★★

Í Loðmundarfirði er sérstætt bæjarfélag í umsjá hjónanna Ólafs og Jóhönnu. Bæjarbúar eru æðarfuglar sem leggja í langt ferðalag til þess eins að ala upp

Heimildir: CPH:DOX, Kvikmyndir.is.