The Giver verður frumsýnd á Íslandi þann 27. ágúst næstkomandi. Leikarinn Jeff Bridges og leikkonan Meryl Streep fara með stór hlutverk í myndinni sem gerð er eftir dystópíu Lois Lowry, og leikstýrð af Phil Noyce.
Myndin fjallar um drenginn, Jonas, sem býr í framtíð þar sem öllum glæpum, fátækt og veikindum hefur verið útrýmt. Enginn þekkir neitt nema gleði. Líf Jonas tekur þó stakkaskiptum þegar hann kemst að ýmsu skuggalegu um þennan heim sinn, og vitneskja hans verður kveikjan að uppreisn.
Með önnur hlutverk fara Brenton Thwaites, Katie Holmes og Alexander Skarsgard.
Myndin verður sýnd í Smárabíói, Háskólabíó og Borgarbíói.
