Sambíóin frumsýna nýjustu grínmynd Coen bræðra, Gambit, þann 24. júlí í Sambíóunum Álfabakka, Egilshöll, Kringlunni, Keflavík og Akureyri.
„Ótrúlega flottir leikarar í helstu hlutverkum sbr. Colin Firth, Cameron Diaz, Alan Rickman og Stanley Tucci ættu að tryggja að fólk skemmti sér konunglega,“ segir í tilkynningu frá Sambíóunum.
Sjáðu stiklu úr myndinni hér fyrir neðan:
Harry er búinn að fá yfir sig nóg af hinum hrokafulla og innilega leiðinlega yfirmanni sínum og ákveður að plata hann með því að selja honum falsað málverk.
Harry Dean starfar fyrir ríkasta mann Englands, hinn sérlundaða og vægast sagt léttgeggjaða Lionel Shahbandar sem notar fólk eins og dyramottur. Af því er Harry búinn að fá sig fullsaddan og ákveður að hrinda í gang áætlun sem hann er með í kollinum og snýst um að svíkja fé út úr karlinum.
Til að áætlunin gangi upp þarf Harry að spenna gildruna og það er um það bil þá sem hún byrjar að fara úrskeiðis…
Aðalhlutverk: Colin Firth, Cameron Diaz, Alan Rickman, Stanley Tucci, Cloris Leachman og Tom Courtenay.
Leikstjórn: Michael Hoffman
Sýningarstaðir: Sambíóin Álfabakka, Egilshöll, Kringlunni, Keflavík og Akureyri
Aldurstakmark: 7 ára
Fróðleiksmolar til gamans:
• Leikstjóri myndarinnar, Michael Hoffman, sendi síðast frá sér myndina The Last Station sem fékk afar góða dóma og var tilnefnd til tvennra Óskarsverðlauna og tvennra Golden Globeverðlauna.
• Handrit Gambit, sem er eftir Coen-bræðurna Ethan og Joel, er byggt á samnefndri mynd frá árinu 1966 þar sem þau Michael Caine, Shirley MacLaine og Herbert Lom fóru með aðalhlutverkin, en hún var tilnefnd til þrennra Óskarsverðlauna og þrennra Golden Globe-verðlauna á sínum tíma.
