Auglýsingaherferð fyrir stórmyndina Godzilla er í fullum gangi og eru framleiðendur duglegir að dæla út myndbrotum úr myndinni fyrir þá sem eru þyrstir í smá forsmekk.
Breski leikstjórinn Gareth Edwards leikstýrir myndinni sem er afturhvarf til Gojira frá árinu 1954 og hinna mörgu framhaldsmynda sem fylgdu í kjölfarið. Edwards á að baki myndir á borð við Monsters og Factory Farmed.
Myndin verður frumsýnd þann 16. maí næstkomandi og fer leikarinn Bryan Cranston, sem margir þekkja úr þáttunum Breaking Bad, með eitt af aðalhlutverkunum. Með önnur hlutverk í myndinni fara Aaron Taylor-Johnson, Ken Watanabe, Elizabeth Olsen, Juliette Binoche, David Stratharin og Sally Hawkin.
Hér að neðan má sjá fimm ný myndbrot úr myndinni.