Fast and the Furious serían hefur gengið í gegnum hæðir og lægðir á ferlinum. Fyrir sjö árum náði The Fast and the Furious: Tokyo Drift til dæmis rétt að skrapa saman 25 milljónir Bandaríkjadala í miðasölunni í Bandaríkjunum á frumsýningarhelgi sinni, en síðasta mynd, sú fimmta í röðinni var frábær skemmtun og sló algjörlega í gegn. Nú virðist sem sjötta myndin, Fast and the Furious 6,  sem frumsýnd var í Bandaríkjunum í gær, sé að gera það sama og sú fimmta, en hún skaut öllum öðrum nýjum myndum sem frumsýndar voru í gær, ref fyrir rass í miðasölunni.

Samkvæmt vefsíðunni The Hollywood Reporter þá voru áætlaðar tekjur Fast and Furious sex,  38,2 milljónir dala í gær, föstudag, og miðað við þær tölur er áætlað að heildartekjur myndarinnar í Bandaríkjunum yfir alla helgina verði í kringum 120 milljónir dala, sem yrði önnur besta frumsýningarhelgi myndar í sögu seríunnar.

Í Bandaríkjunum er svokölluð Memorial Day helgi, sem þýðir að það er frí á mánudaginn, og helgin því lengri en ella.

The Hangovert Part III var einnig frumsýnd í gær, en hún náði ekki nálægt því sömu hæðum og Fast and the Furious 6. Þessi mynd, sem er sú síðasta í seríunni, þénaði 14,5 milljónir dala og var önnur vinsælust í Bandaríkjunum, en miðað við þessar fyrstu tölur þá er talið að myndin muni þéna í kringum 65 milljónir dala yfir alla helgina að fimmtudeginum síðasta og mánudeginum næsta, meðtöldum.

Þó að tölurnar séu ekki alslæmar, þá stefnir myndin í að verða aðeins hálfdrættingur á við síðust mynd í seríunni, The Hangover Part II, sem var frumsýnd fyrir tveimur árum síðan, og þénaði hvorki meira né minna en 135 milljónir dala á frumsýningarhelgi sinni.

Star Trek Into Darkness, vinsælasta mynd síðustu helgar í Bandaríkjunum, var sú þriðja aðsóknarmesta í gær, með um 10 milljónir dala í tekjur, og stefnir í 40 milljónir yfir alla helgina.

Teiknimyndin Epic fylgir reyndar fast á hæla hennar, en hún þénaði 9,4 milljónir dala, og gæti hrifsað þriðja sætið af Star Trek þegar búið verður að telja alla dollara upp úr kössunum.

Fast and the Furious serían hefur gengið í gegnum hæðir og lægðir á ferlinum. Fyrir sjö árum náði The Fast and the Furious: Tokyo Drift til dæmis rétt að skrapa saman 25 milljónir Bandaríkjadala í miðasölunni í Bandaríkjunum á frumsýningarhelgi sinni, en síðasta mynd, sú fimmta í röðinni var frábær skemmtun og sló algjörlega í gegn. Nú virðist sem sjötta myndin, Fast and the Furious 6,  sem frumsýnd var í Bandaríkjunum í gær, sé að gera það sama og sú fimmta, en hún skaut öllum öðrum nýjum myndum sem frumsýndar voru í gær, ref fyrir rass í miðasölunni.

Samkvæmt vefsíðunni The Hollywood Reporter þá voru áætlaðar tekjur Fast and Furious sex,  38,2 milljónir dala í gær, föstudag, og miðað við þær tölur er áætlað að heildartekjur myndarinnar í Bandaríkjunum yfir alla helgina verði í kringum 120 milljónir dala, sem yrði önnur besta frumsýningarhelgi myndar í sögu seríunnar.

Í Bandaríkjunum er svokölluð Memorial Day helgi, sem þýðir að það er frí á mánudaginn, og helgin því lengri en ella.

The Hangovert Part III var einnig frumsýnd í gær, en hún náði ekki nálægt því sömu hæðum og Fast and the Furious 6. Þessi mynd, sem er sú síðasta í seríunni, þénaði 14,5 milljónir dala og var önnur vinsælust í Bandaríkjunum, en miðað við þessar fyrstu tölur þá er talið að myndin muni þéna í kringum 65 milljónir dala yfir alla helgina að fimmtudeginum síðasta og mánudeginum næsta, meðtöldum.

Þó að tölurnar séu ekki alslæmar, þá stefnir myndin í að verða aðeins hálfdrættingur á við síðust mynd í seríunni, The Hangover Part II, sem var frumsýnd fyrir tveimur árum síðan, og þénaði hvorki meira né minna en 135 milljónir dala á frumsýningarhelgi sinni.

Star Trek Into Darkness, vinsælasta mynd síðustu helgar í Bandaríkjunum, var sú þriðja aðsóknarmesta í gær, með um 10 milljónir dala í tekjur, og stefnir í 40 milljónir yfir alla helgina.

Teiknimyndin Epic fylgir reyndar fast á hæla hennar, en hún þénaði 9,4 milljónir dala, og gæti hrifsað þriðja sætið af Star Trek þegar búið verður að telja alla dollara upp úr kössunum.