Miðað við orðróm sem birtist í breska blaðinu Daily Telegraph þá er útlit fyrir að breski leikarinn Rhys Ifans, komi til með að gera Daniel Craig lífið leitt í næstu James Bond mynd, þeirri 23. í röðinni.
Þeir félagar, þ.e. Craig og Ifans, hafa áður eldað saman grátt silfur, en það var í myndinni Enduring Love þar sem Ifans lék Jed og Craig lék Joe.
Í blaðinu er einnig sagt frá því að Javier Bardem komi til með að leika vondan kall í myndinni, og rætt er um það einnig að leikstjórinn Sam Mendes muni taka upp stóran hluta myndarinnar í Suður Afríku.
Fyrir utan þetta er fátt sem hefur verið látið uppi um myndina.
Myndin verður frumsýnd 26. október 2012.
