Ný stikla er komin út fyrir nýjustu mynd Zac Efron, We Are Your Friends, eða Við erum vinir þínir, í lauslegri þýðingu.
Myndin fjallar um plötusnúðinn hæfileikaríka Cole Carter, sem Efron leikur, sem dreymir um að komast burt úr San Fernando Valley, og ná langt í tónlistariðnaðinum, í stað þess að vinna við það að spila á böllum.
En að er aldrei auðvelt að slá í gegn, og Carter þarf að finna óvenjulega leið til að vekja á sér athygli, í harðri samkeppni
Leikstjóri myndarinnar er Max Joseph.
Dillaðu þér við dansvæna stikluna hér fyrir neðan:
Aðrir leikarar eru helstir fyrirsætan og leikkonan Emily Ratajkowski, ( Emrata úr Blurred Lines tónlistarmyndbandinu ), sem dansar af kappi í stiklunni, Jon Bernthal og Wes Bentley.
Myndin kemur í bíó í Bandaríkjunum 28. ágúst nk.