Sjónvarpsstöðin Syfy, sem sýndi hákarlamyndina Sharknado í síðustu viku við talsverðar vinsældir, og við sögðum frá hér á kvikmyndir.is á dögunum, ætlar að fylgja vinsældum myndarinnar eftir með annarri hákarlamynd, en eins og lesendur kvikmyndir.is muna þá fjallar Sharknado um gríðarlegan fellibyl sem sogar hákarlatorfur upp úr sjónum og lætur þeim rigna niður á fólk.
Nýja myndin, sem frumsýnd verður 22. ágúst nk. í Bandaríkunum, heitir Ghost Shark, eða Draugahákarl, og komin er glæný stikla fyrir myndina sem sjá má hér fyrir neðan:
Eins og nafn myndarinnar ber með sér þá fjallar myndin um árásir draugahákarls, og miðað við það sem sést í myndinni á fólkið í þessum strandbæ ekki sjö dagana sæla – hákarlinn birtist meira að segja í baðkarinu hjá einni persónunni!
