Daniel Craft, hinn dauðvona aðdáandi Star Trek sem fékk að sjá Star Trek Into Darkness fimm mánuðum fyrir frumsýningu er látinn, 42 ára.
Trekkarinn sá myndina fyrir skömmu og þakkaði eiginkonan hans vinum hans fyrir að hafa barist fyrir því á vefsíðunni Reddit að hann fengi að sjá myndina. „Að fá einhvern eins veikan til að brosa í jafn langan tíma skiptir miklu máli,“ skrifaði hún á Reddit.
Craft hafði verið Star Trek-aðdáandi alla sína tíð. Hann náði að sjá myndina á undan öllum öðrum áður en hann lést, þökk sé vinum hans og leikstjóra Star Trek, J.J. Abrams.
