Októberhefti kvikmynda – og DVD/Blu-ray/VOD tímaritsins Myndir mánaðarins er komið út í rafrænni útgáfu. Eins og ávallt er blaðið sneisafullt af áhugaverðu efni í bland við kynningar á nýjustu myndum bíóhúsanna í októbermánuði, sem og nýjum myndum sem gefnar verða út á DVD, Blu-ray og/eða VOD í mánuðinum.
Á forsíðum blaðsins eru tvær spennandi kvikmyndir sem margir hafa beðið eftir með mikilli eftirvæntingu – annarsvegar er það gamanmyndin Johnny English 3, eða Johnny English Strikes Again, með hinum bráðfyndna Rowan Atkinson í hlutverki hins óborganlega njósnara English, og hinsvegar er það enginn annar en Venom í túlkun Tom Hardy.
Johnny English kemur í bíó 5. október og Venom kemur í bíó 12. október.
Einnig má í blaðinu sjá það nýjasta á tölvuleikjamarkaðnum og margt fleira, eins og stjörnuspá, gullkorn, bíófréttir, topplista og bíómiðaleik.
