Leikkonan Maria Bello tilkynnti í grein í bandaríska dagblaðinu The New York Times nú um helgina að hún ætti í lesbísku sambandi, og bað um skilning á nútímalegu fjölskyldumynstri sínu.
Bello, sem er 46 ára, skrifaði grein í dálkinn Modern Love, að hún hefði átt erfitt með að tilkynna 12 ára syni sínum Jackson, að hún ætti í sambandi við konu að nafni Clare, sem var einnig besta vinkona hennar.
Hún lýsir einnig áhyggjum af því í greininni hvaða áhrif þessi yfirlýsing hefur á feril hennar, en Bello er í uppáhaldi hjá mörgum sjálfstæðum kvikmyndagerðarmönnum, og sást síðast í spennutryllinum Prisoners.
Í greininni segir Bello að önnur sambönd hennar hafi öll verið með karlmönnum, og ekki alltaf kynferðisleg.
Bello segir að þegar hún hafi sagt fjölskyldu sinni og syni frá þessu þá hafi þau tekið því vel.