Hryðjuverkatryllirinn Olympus Has Fallen er vinsælasta myndin á vídeóleigum landsins þessa vikuna, en hún fer ný beint í fyrsta sæti DVD/Blu-ray listans íslenska.
Myndin segir frá því þegar það verður uppi fótur og fit í bandarískri stjórnsýslu þegar hryðjuverkamenn sem búa yfir öflugum vopnum og enn meiri kunnáttu ráðast á Hvíta húsið, fella flesta öryggisverði og ná forseta Bandaríkjanna á sitt vald. Fyrir glæpamönnunum fer hinn snjalli Kang og það verður fljótlega ljóst að árásin á forsetabústaðinn er bara fyrsti liðurinn í áformum hans. En Kang gerði ekki ráð fyrir einu. Hann veit ekki að einn af öryggisvörðunum, Mike Banning, er enn á lífi í húsinu og hefur ekki hugsað sér að gefast upp fyrr en í fulla hnefana ..
Í öðru sæti listans þessa vikuna er The Iceman, um leigumorðingjann sem drap meira en 100 manns. Í þriðja sæti er ný mynd, Place Beyond the Pines með Ryan Gosling í aðalhlutverkinu, og í fjórða sæti er einnig ný mynd, gamanmyndin I Give It a Year.
Í fimmta sætinu er svo fyrrum toppmyndl listans, Oblivion með Tom Cruise í essinu sínu.
Smelltu hér til að sjá hvaða myndir eru nýútkomnar og væntanlegar á DVD
Smelltu hér til að sjá DVD hluta Mynda mánaðarins.
Hér fyrir neðan er svo listi yfir 20 vinsælustu vídeómyndirnar á landinu í dag:
