Jake Lloyd, sem lék Anakin Skywalker sem ungan dreng í Stjörnustríðsmyndinni The Phantom Menace, var á miðvikudaginn síðasta kærður fyrir gáleysislegan akstur, eftir eltingarleik við lögreglu, og stungið í fangelsi.
Atvikið átti sér stað í Walterboro í Suður Karólínufylki í Bandaríkjunum.
Jake Lloyd, 26 ára, ók á 160 km hraða á klukkustund áður en hann ók á tré, samkvæmt AP fréttastofunni.
Í yfirheyrslunni sagðist hann heita Jake Broadbent, en lögreglan komst að því hver hann var í raun og veru í gegnum fyrrum umboðsmann.
Lloyd hefur ekki leikið síðan árið 2005, en þá hafði hann talað fyrir Anakin Skywalker í Star Wars tölvuleikjum.
