Mikið var um dýrðir þegar heimildarmyndin um Liverpool goðsögnina Kenny Dalglish var frumsýnd í Smárabíó í kvöld, miðvikudaginn 4. mars, á sérstakri viðhafnarsýningu en opinber stuðningsklúbbur Liverpool á Íslandi hafði yfirtekið bíóið og gefið því sannkallaðan Liverpool brag.
Eins og sagt er frá á Facebook síðu Liverpool klúbbsins á Íslandi þá átti Dalglish 75 ára afmæli í dag.
8 Hér er glæstum ferli fótboltamannsins Kenny Dalglish hjá tveimur sigursælustu félögum Bretlands, Liverpool FC og Celtic, gerð skil. Myndin sýnir hvernig hann varð einn af bestu leikmönnum Evrópu og táknmynd í borginni Liverpool, jafn mikið fyrir það sem hann gerði utan vallar og ...
Eins og sjá má á meðfylgjandi myndum var hægt að virða fyrir sér myndir af leikmönnum liðsins gömlum og nýjum, lyfta Englandsbikarnum, hlusta á stuðningsmannalagið You Never Walk Alone, hlýða á kop.is hlaðvarpið Gullkastið og að lokum láta fara vel um sig í MAX sal Smárabíós og njóta myndarinnar við bestu hljóð- og myndgæði.
