Marshefti kvikmynda – og DVD/Blu-ray/VOD tímaritsins Myndir mánaðarins er komið út í rafrænni útgáfu. Eins og ávallt er blaðið sneisafullt af áhugaverðu efni í bland við kynningar á nýjustu myndum bíóhúsanna í marsmánuði, sem og nýjum myndum sem gefnar verða út á DVD, Blu-ray og/eða VOD í mánuðinum.
Á forsíðum blaðsins eru annarsvegar ofurmennin Batman og Superman, sem eigast munu við í myndinni Batman v Superman: Dawn of Justice, sem kemur í bíó 25. mars nk., og í vídeóhlutanum er það Jennifer Lawrence og félagar í The Hunger Games: Mockingjay Part 2, en hún kemur út á DVD/VOD og Bluray þann 22.mars nk.
Einnig má í blaðinu sjá það nýjasta á tölvuleikjamarkaðnum og margt fleira, eins og stjörnuspá, gullkorn, bíófréttir og bíómiðaleik.
