Það er margsannað mál að frægt fólk getur grætt meiri peninga en við sauðsvartur almúginn. The Huffington Post birti í dag lista yfir kvikmyndaleikara og aðrar stjörnur sem eiga helling af peningum, en gögnin eru ættuð frá vefsíðunni CelebrityNetWorth.com
Maður skilur kannski ekki alveg af hverju sumir eru jafn ríkir eins og listinn gefur til kynna. Til dæmis spyr maður sig af hverju Seinfeld gamanleikkonan Julia Louis-Dreyfus er í öðru sæti listans með eignir upp á 3 milljarða Bandaríkjadala, eða sem samsvarar 371 milljarði íslenskra króna! Ástæðan, segir Huffington Post, er fjölskylduauður.
Svo er gaman að segja frá því að Matrix kvikmyndaleikarinn Keanu Reeves á meiri peninga en stórstjörnurnar og rokkararnir Bruce Springsteen og Ozzy Osbourne samanlagt!
Hér fyrir neðan er listi yfir 24 ríkar stjörnur:
*Samkvæmt viðskiptatímaritinu Forbes þá eru heildareignir Lucas 3,9 milljarðar dala, en ekki 7,3 milljarðar, af því að þó að Disney hafi borgað 4,05 milljarða fyrir LucasFilm, þá hefur Lucas sagst sjálfur ætla að gefa megnið af peningunum til góðgerðarmála.
**Fyrir tveimur mánuðum var sagt frá því að Madonna sé nú formlega orðin milljarðamæringur eftir góðan árangur á MDNA tónleikaferðinni hennar. Forbes segir að þetta sé ónákvæmt, þar sem enn eigi eftir að skilgreina hver endanlegur ágóði hennar er.
