Það styttist í frumsýningu annarrar þáttaraðar True Detective á HBO sjónvarpsstöðinni bandarísku, en fyrri þáttaröðin naut mikilla vinsælda hér á landi, enda áttum við Íslendingar sælla minninga einn leikara í þáttunum, Ólaf Darra Ólafsson.
Tvær stuttar sjónvarpsauglýsingar fyrir þættina voru frumsýndar nú um helgina, en þar koma bæði Colin Farrell í hlutverki rannsóknarlögreglumannsins Ray Velcero, og Vince Vaughn í hlutverki frumkvöðulsins og þorparans Frank Semyon, við sögu.
Með önnur stærri hlutverk fara leikkonurnar Rachel McAdams, sem leikur lögreglukonuna Ani Bezzerides og Kelly Reilly, sem leikur eiginkonu Semyon.
Fyrsta þáttaröðin fékk einróma lof gagnrýnenda og skartaði þeim Matthew McConaughey og Woody Harrelson í aðalhlutverkum. Þáttaröðin sú gerðist í Lousiana, en að þessu sinni mun hún gerast í Kaliforníu.
Kíktu á auglýsingarnar hér fyrir neðan:
True Detective önnur þáttaröð verður frumsýnd 21. júní nk.