Glæný stikla, og sú fyrsta sem við birtum úr myndinni hér á kvikmyndir.is, er komin út fyrir teiknimyndina Stubbur stjóri, eða The Boss Baby, sem kemur í bíó 14. apríl nk. Myndin, sem kemur frá framleiðslufyrirtækinu DreamWorks Animation, fjallar um Tim, sjö ára gamlan dreng með mjög frjótt ímyndunarafl. Hann lifir góðu og hamingjuríku lífi með móður sinni, sem Lisa Kudrow leikur, og föður sínum, sem Jimmy Kimmel leikur. Hann verður því allt annað en ánægður þegar foreldrar hans koma heim með nýjan bróður, sem Alec Baldwin leikur, og það skrítna er að þau virðast ekki taka eftir því að barnið er í jakkafötum og með skjalatösku.
Tim reynir nú hvað hann getur til að fá foreldra sína til að veita sér athygli, og kemst að leynilegri áætlun forstjóra Puppy Co. sem ætlar sér að eyðileggja ástarjafnvægi heimsins. Svo virðist sem litli bróðir sé leiðtogi uppreisnarmanna/smábarna sem vinna gegn hinu illa veldi, og nú þurfa bræðurnir að snúa bökum saman gegn Puppy Co.
Leikstjóri er Tom McGrath.
Sjáðu stikluna hér fyrir neðan: