Leikkonan Meryl Streep og leikarinn Jeff Bridges fara með stór hlutverk í myndinni The Giver, sem gerð er eftir dystópíu Lois Lowry, og leikstýrð af Phil Noyce. Fyrsta stiklan úr myndinni var opinberuð í dag.
Myndin fjallar um drenginn, Jonas, sem býr í framtíð þar sem öllum glæpum, fátækt og veikindum hefur verið útrýmt. Enginn þekkir neitt nema gleði. Líf Jonas tekur þó stakkaskiptum þegar hann kemst að ýmsu skuggalegu um þennan heim sinn, og vitneskja hans verður kveikjan að uppreisn.
Með önnur hlutverk fara Brenton Thwaites, Katie Holmes, Alexander Skarsgard og söngkonan Taylor Swift.
